Adamyň ömri

Ynan, päliýaman pälinden tapar,
köşkde bolsun, ýa sürgünde, meýletin,
çöp-çör atyp kim-kimleriň gözüne,
iýjegi, içjegi agzyna gelsin,
alada bolmasyn geýjek eşigi,
işlesin ýa işlemesin hiç ýerde,
bahyllykdan başga bolmasyn derdi,
görmez hözirini zähmet-gazanjyň,
päliýaman bolsa adam neresse,
öz-özüne waksinadyr ýakymsyz,
öz-özüne bolar awuly sanjym.

Gynan, adam hatda ýurdundan çykyp,
dillerin, dinlerin öwrenip dünýäň,
iýdireniň elin dişlese, çapsa,
geýdireniň açyk ýerini tapsa,
arasynda asyp özüni gökden,
arasynda kim-kim bolup oýnasa,
ýetenne, ýetmezne syçrap, goýmasa,
hem gynanma, belki, bolmaly şeýle,
her kim öz gününi etmeli öýle.