Gadymy doga

Gözüm, meni bagyşla,
görmejegiň gördürdim.
Ýüzüm, meni bagyşla,
wah, saraltdym kim-kime,
sözüm, meni bagyşla,
zaýaladym keýpine.

Bagyşlawer, ellerim,
tutmajagyň tutdurdym,
geçir meni, aýaklarym,
gitmejegňe gitdirdim.

Geçir, agzym, iýmejek
aş-gatygyň iýdirdim,
geçirewer, jan dilim,
diýmejegiň diýdirdim.

Eşitdirdim her neneň
galmagal, geçir gulak,
geçir burun, gülleriň
ýanyk ysyn aldyn kän,
baky ýanýan dünýäde,
geçir, beýnim, ýatyp galan,
ýa oýanyp, öňe giden,
geçir, ömrüm, iki günlük,
bilmän geçdim geldim neden!..