Ýyrtyk meselesi

Ýyrtylan köýnegi ýamap ýa ýörmäp,
geýip bolar ýene biraz, aýyp däl,
çatyp bolar ýyrtyk köwşi, balagy,
ýa-da hapalansa, ýuwlar, ardylar,
ýene ulanylar itiň ýalagy,
ýöne ýyrtylan ýüz, görkezme, alla,
ne çatylar, ne ýamalar,
ne ýuwular ýalak ýaly,
at üstünde bolsun, bolsun pyýada,
bir bolar gylygy ýüzi ýyrtygyň,
diňlemez ol aýdylany, diýleni,
dogry sözden öler ýaly çekiner,
ýa eşitmez islemeýän zadyny,
etjegini edip, kerlige salyp,
ýere sokar il-gününiň adyny.