Il aglak bolsa

Öňki başlyk, egnindäki penjegi
ýa-ha uly, ýa-da kiçi,
hiç ylaýyk bolmaýan,
soňuna çen okamadyk bir kitap,
eli gelip, diplom alan,
aýal-oglan-uşak, garyp obalyň
ýygan pagtasyny ogurlan, salan
kim-kimleriň jübüsine,
öz paýynyň arkasyndan,
indi güni geçýär gowy,
iýse palaw ýa-da gutap,
gülýär ile garyp, pakyr,
arasynda Pyragyny ýazgarýar,
goşgusy dereksiz, sözi ýüreksiz,
sebäbi çetine degýär
haramhor beglere aýdan-diýeni,
şeýle bolýar millet aglak düşende,
ýerinde oturtman haram iýeni.