Soňky pursat

Diktator bir jeset, öli,
emma diri saklaýarlar,
derman bilen, däri bilen,
çünki gerek, bilýärsiňiz,
aýal aýal äri bilen,
erkek erkek bolmaz onsuz,
ýurdy ýykan ogry-jümri
nädip mydar etsin şonsuz,
ýöne indi ýagdaý agyr,
bitdi ýürek, bitdi bagyr,
oýnatgy il tozdy halys,
çöregi ýok, pişmesi ýok,
düýeýüňden saçagynda,
diktator bir jeset, öli,
kyn oň bolsaň gujagynda.