Ösýän millet
18-nji maýda Aşgabatda bir ýetginjek ýag nobatynda göwreli aýalyň garnyna depip, onuň alty aýlyk çagasyny düşürdi. Metbugat habary
Tüweleme, millet ösýär, ulalýar,
şöhrat bilen şany ýaň salýar dünýä,
ýigitler bar, murt çykmanka edenli,
göwreli aýalyň öňüne geçip,
nobatyny alýar dogumly, ýeser,
dur diýilse, kellesin däl, bol zadyn,
aýagyny ulandyrýar ýag-heser...
Dogulmadyk çaga öldi düşünmän,
niredi, wah, geljek, doguljak ýeri?
Ýa-da gelmän dogry etdi,
orta ýoldan gaýdyp geri?