Adam pahyr

Adalaty kim getirip bermeli,
owadan kagyza dolap,
agzy nasly ýa-da suwly millete,
ýa dograma iýip ýatjak,
hudaýýoly etse biri,
gaçanlarmy türmesinden döwletiň,
ýa olaryň yzyn çalýan jellatlar,
KGB-mi, ozal baýlary gyryp,
ýoksullaryň şalygyny dikelden,
indi durýan goragynda elitaň,
ýoksullardan ösüp çykan, elbetde,
kimiň başga hiç işi ýok dünýede,
oýunçy bolmasa ganly oýunda,
ot bilen oýnaýan eger oýnasa,
oýnamasa, perwana dek bir agşam,
oda urup ölýän ahyr,
adalaty kim getirip bermeli,
bu soraga jogap agtarýar mydam
hem tapmaýar adam pahyr.