Gadaganlyk
Meniň 1993-nji ýyldan bäri gadagan goşgularymy toplap, öz hasabyna çap edýän N.Annagurbana bagyşlanýar
Her ýylda bir kitabymyz çykmaly,
ýüregi ak, saçy gara oglandyk.
Arman başga şahyr saýlady millet,
bize görä çuňňur ýazýan has, meger,
okap-okap doýmaýarlar, bilýäris.
A biz aýra düşüp, garaşyp ölen,
ejemize, kakamyza bagyşlan
kitabymyz depämizde göterip,
geçjek bolýan ýaly derýany boýlap,
çal başymyz oka tutup gelýäris.