Ykbal sowgady

Saňa watanyňda duzak gurarlar,
saçagyň başynda çörek uzadyp,
ejeň mazarynda duzak gurarlar,
ataň mazarynda duzak gurarlar,
dogan-gardaş gözlerini tegeläp,
taýýar bolar seni gurban bermäge,
KGB-niň eli uzyn, bilerler,
dili uzyn hökümetiň, döwletiň,
gepletmezler başga pikir aýtjagy,
köne kärdeşleriň gazyp gabryňy,
taýýar bolup durar gum sürer ýaly,
watanyňda saňa duzak gurarlar,
saýlap alsaň watançynyň ykbalyn.