Prokuror millet

Ýaňy dil çykaran çagadan başlap,
ölhit garra çenli, öňki kommunist,
a soňundan hajy bolan KGB-ä
adam satyp, para berip üstüne,
öňe çykan biri bolsa ýüz ýyldan,
ýüregi päk, çyndan bilini guşap,
ýa oýunçy, ýele görä öwüsýän,
tapawudyn bilmez, at dakar daşdan,
garyp-gatar, hapa atar başarsa,
hem gyssanmaç hökümini çykarar,
gara çyrşak eder ýüzün oglanyň,
prokuror millet işine ökde,
başyn iýer özi üçin doglanyň.