Ýüzi bek dogan

Atsalar, ursalar uzak aradan,
hem atyň, hem özüň ýaraly bolsaň,
deň bolmadyk söweşiňde, urşuňda,
duşman güýçli, çünki millet, gözel il,
ygtyýaryn aldyrypdyr, beripdir,
meýletin-mejbury, senlik däl, walla,
tarapyňda iki-ýeke gürletseň,
jygba-jygda diýer: Ýaranyň alla!

Ýaralansaň deň bolmadyk söweşde,
ne doganyň geler, ne-de gardaşyň,
emma ganyň ýalap gutarsaň özüň,
hemem çyksaň belent daga dyrmaşyp,
el-aýagyň gan-gabarçak,
dyrnaklaryň ýaryn döküp,
aşakdan gygyrar iň erkek dogan,
oklasana dag başynda ýetişen
ir-iýmişden, utandyrar,
nädip iýip bilýäň ýeke,
näme diýjek ýüzi beke?