Agressiw köplügiň ykbaly

Birleri bir üýtgeşiklik islemiş,
bolmanyndan össün şemal,
pyşyrdamyş içden çala,
beýlekiler arzuw etmiş, belki-de,
biri turar böküp bir gün ýerinden,
galdyrar milleti yzy biläni,
alar galalary, ýykar diwaryn,
üýtgeşiklik getirmeýän,
geçirmeýän erkin ýeli,
a üçünji, ýeke özi,
ele alyp çekiçjigin,
diwarlary ýykyp başlar bir uçdan,
beýlekiler 'he-he, he-he', gülerler,
içlerinde arzuw garrap ölerler.