Şahsy mesele
Durmuş saňa şahsy mesele däldir,
garasaň-da şahsy-mahsy her näçe,
mesele däl durmuş dar-darty asla,
bir özüňe gelýän, dolanýan, gidýän,
bir özüňi goýýan gaýgy-alada,
bir özüňi heläk edýän kowalap,
hemem diňe biten günüňde bitýän;
durmuş saňa şahsy mesele däldir,
ol umumy hem çeniňden giň örän,
sen oňa bak şahsy ýa-da umumy,
azda-kände başga gözde kämahal,
ol seni getirýär, ýoluna itýär,
hem ahyry geçýär ýüzüňden ýöräp.