Allany aljyradan asyr

Malyna ýapyşyp ýaşaýar millet,
bolsa eger iki-ýeke.
Ýerine ýapyşyp ýaşaýar millet,
ogry döwlet tutup beke
tozdurýança, çökerýänçä;
azan emeldarlar çapyp al atyn,
sylamaýar hala ýomut, ha teke,
ýa perişde gelsin garyp-pukara,
ezilen bendäniň eşigin geýip,
içen wagty, çeken wagty;
çörek gözläp, ýat illere çykan är
her gün säher hak-hudaýa ýalbaýrýar,
gora diýýär, ölsem yzymda çagam,
garry enem-atam, aýalym galar,
bir diregim sensiň ýeke,
emma, meger, işi başyndan agdyk,
alla pahyr ýetişmeýär köp ýete.