Gaýrat meselesi

Uzak ilden hat ýazypdyr bir ýigit,
talap edip adalaty haýsydyr,
megerem özüne gerekli, zerur,
hem belläpdir ahyrynda jogaba
umyt edýän gaýrat taparsyň diýip.
Okadym, oýlandym, taşladym gyra,
sebäp oňa jogap ýazmak gaýrat däl,
geçen ýaşlygyňy edýärdi talap,
öňýetene söz zaýalap ýitiren,
köýdüren günleriň özüňi iýip...

Ýa-da, belki, gaýrat diýip o bende
"Gaýrat" medalyna düşünýär şindem,
nirede bir gaýratsyza berilýän,
uzak ilden hat ýazypdyr bir oglan,
ilki gahar etdim, a indi gülýän.