Uruş saňa oýunjak däl

Uruş saňa oýunjak däl, jäjek däl,
ýeňiş güni döşe dakyp çykylýan,
ol ozaly ajal, bimahal gelen,
hemem esger, öňe gidip ýykylýan...

Uruş saňa goşgy, gazal ýa kyssa,
ýa aýdym däl, syýasata degmeýän,
ýa biznes däl, pul ýasaýan bolmasaň,
ýarag satyp birden ýedi tarapa,
ýa başga bir gerek zadyn esgeriň,
beýleki esgeri öldürmek üçin,
ol hiç kime wepa bermez, düşünseň,
ýa hiç kime baky başyn egmeýär.

Uruş saňa oýunjak däl, oýun däl,
ýöne dogry, syýasatçy, nadara,
eli egri, kalby egri är bolsaň,
ozal başda urşa itekläp ýurdy,
maýyp-müjrüp edip, öldürip müňläp,
tapawudy näme haýsy tarapda,
öýün ýykyp milýonlaryň ýylgyrsaň,
diri galanlary synlap daşyndan,
uruş saňa oýunjak däl, bilmersiň,
kim ol, näme, geçirmeseň başyňdan.