Arzuw ýalňyşlygy
Nämüçin biz gowy bolar öýütdik,
nämüçin biz tanamadyk milleti?
Nämüçin biz gaçyp, dolandyk ýene,
diňe çekilmekden çekmän minneti?
Nämüçin biz ýat illerde basyldyk,
döwletiň däl, töhmetinden milletiň?
Nämüçin biz serpip syňyp bilmedik,
ýatan iliň dagdan agyr minnetin?
Nämüçin biz gynanýarys ýene-de,
görsek iliň daş-kesekli elini?
Ýa nämüçin söz aňlatjak bolýarys,
bilmeýäne öz iliniň dilini?
Nämüçin biz gowy bolar öýütdik,
nämüçin biz umyt etdik, işledik?
Çünki adam bolmak isledik gaty,
hem mantykdan arzuwymyz güýçlidi...