Ozallar bolupdyr
Amerikan syýahatçysy Teddi Roýyň 1968-nji ýylda türkmen ýaşulysy bilen düşen suraty golaýda internetde peýda boldy.
Ozallar bolupdyr, ynanýan, ilde
ýaşuly-da, ýaşkiçi-de ornunda,
gaty kän däl, az-da bolsa,
adam gören ýaly görseň suratyn,
a indi görýärin kileň
gurjaklary ak sakgally, oýnatgy,
ýa sakgalsyz, gyraw basan başyny,
ýa ýaşlary, tahýalaryn göz edip,
böküp duran kim-kimleriň öňünde,
birçak hapa syýasata aw bolan,
alla, näçe dowam etmeli beýle,
haçan millet diýer özüne dolan?