Agzy bişeniň sargydy

Bahyllyga batanlardan ägä bol,
baýy bolsun, ýa garyby, pary ýok,
iň esasy tobalydan her sözi,
hudaýhondan il gözüne elmydam,
dili doga-dilegliden, mysapyr,
bäş wagtyny sypdyrmaýan diňleseň,
günde gelip, gürrüň berýän täreti,
ýa-da seläligi, agzaçar hakda,
kim saçagy boldan ýazdy ýa ýuka,
arasynda gybat baryn pyşyrdap,
diňlemeseň, aýdyp gidýän daşardan;
bahyllyga batanlardan ägä bol,
iň esasy kommunistden ozalky,
a soň hajy bolanlardan ilden öň,
KGB-niň ugrun tapyp, eserdeň,
imanyny biznes edinen birçak,
ýaranyp bilmersiň her näme etseň,
duz iýdirseň, beter urjak...