Bir nakylyň iki manysy
Magtymguly, owal özüň düzetgil. Pyragy
Bolýar özüň näme diýseň, gürleseň,
hakykatmy ýa-da ýarym hakykat,
sebäbi söz azatlygy, erkinlik,
garşydaşyň söz tapmasa aýdara,
ýa-da dymyp ýeňmek islese diňe,
diýen bolup itler üýrer, a kerwen
haýsy bir güjüge seretsin siňe?
Belki-de bu seniň sözüň güýjüni,
ýa aňladar gowşaklygyn beýlekin,
dikýip bolar, walla, gorkdular olar;
emma sözüň azatlygyn ulanyp,
ertesi gün uýat ýeriň açsalar,
gywlasalar arkasyndan tutynyň,
jogabyň bolmasa anyk, aç-açan,
hem ulansaň ýokarkyja nakyly,
utuldym, ýeňildim diýdigiň bolar.