Çukurdan çykmagyň ilkinji şerti

Diňe çynyň, haky sözle,
gözle diňe hakyň gözne,
gaçalak, ýumalak etme,
ikiýüzli bolma artyk,
iki sözli bolma artyk,
adama bir, alla başga,
besdir ýalan, besdir allar,
sözle haky hakykatda,
saňa näme gerek munda,
anyk näme isleýärsiň,
adam ýaly ýaşamakmy,
ýa-da eli egriligi,
çynyňy diý, diýme ýalan,
ýa ýagdaýyň, halyň niçik,
ýa nämeden çekinýärsiň,
ýa aladaň näme çyndan,
diňe çynyň, haky sözle,
gözle diňe hakykaty,
ýarpy-ýalta çynlary däl,
çyny çykar içiňdäki,
baş aýlaýan jynlary däl,
eger haky sözlemeseň,
çykarmasaň çyny daşa,
biz ýalanyň çukuryndan
çyn baýryna çykmagy däl,
synanmagy başarmarys,
sebäbi bilmeris anyk
nirede biz, nädip galdyk,
diňe çynyň, haky sözle,
oýun etme özüň aldap!