Gazetler bilmez

Bir gün zynjyryňy, aňyňa urlan,
gyrarsyň, zyňarsyň özüňem bilmän,
haýsy gazet ýa-da TW
näme diýse, diýsin soňra,
ýa-da haýsy kärdeş, haýsy pikirdeş
garalasyn çykyp adyň,
ýa-da ilde, gulçulygy eý görýän,
kim ynansa, ynanasy gelse ýa,
ynansynlar, saňa tapawudy ýok,
sebäbi sen özüň bilýäň kimdigiň,
hem hakyky bilýänler bar, bilýärsiň,
içinde-de duşmanlaryň,
hatda şol gazeti ýa-da TW-ni
dolandyrýan bilýär, tanaýar seni,
başga diýip görkezse-de,
bolup bilse, boljak, belki, sen ýaly,
ýöne ol çekinýär, tutulsa birden,
çörek alyp, gelmez öýdüp aýaly.