Tutulmadyk ogry

Tutulmadyk ogry däldir,
hemem deňdir ogryň uly, kiçisi,
ýa kezzabyň öňki, soňkusy bolmaz,
tutulmasa, daga ýaýrap geçisi,
öwüner ol soňsuz, göternip bilmän
azatlygy, erkinligi, üstüne
edermen, edenli bolasy geler,
diýdiresi geler beýik we dana,
sen utansaň ogry diýmäge oňa,
adalatly, açyk suddan öňürti,
ol utanmaz, eger gelse elinden
çemçeläp ýygnanyň çanaklap döker,
tutulmadyk ogry däldir, bu dogry,
ýöne dur diýmeseň, üstüňe çöker.