Agyry aýyrýan derman

Kinodaky ýaly uruşgan bolsaň,
dogrulary türmä basýan döwletiň
ogry baştutanyn ursaň, uşatsaň,
ýaraglaryň bolsa oňkudan güýçli,
ýa-da oňa ýarag satýan döwletler,
ösen hemem öňde barýan,
adam hukuklaryn sylaýan diýýän,
hem sylaýan bolman azajyk gowy,
ýaraglaryn berse saňa mugtuna,
üstesine nöker berse ýanyňa,
kagyz berse möhürli ýa peçatly,
ogrulara garşy göreşmek üçin,
şu ýigide bar ygtyýar berildi,
basmaçy däl ol diýip,
arman kino kino bolýar,
durmuş bolsa şol bir durmuş,
ýöne kinoçylar gazanýar aldap,
umyt berip ýalan kileň,
agşam görüp bir uruşly kinony,
gowy ýatdym özüm bilen.