Adalat gelse

Sud bolarmy adalatly bir gezek,
iň bolmanda ýeke bütin ömürde,
görerinmi ony, ýurdumy satan,
nökerleri bilen bile,
ýüzi gara, köňli gara kömür deý,
ýüzün sallap, hasap berermi ile?

Adalat gelermi, görnüp bilermi,
galdyryp bilermi ýüzüni ýerden,
adamlarda gaýrat tapylmasa-da,
ýa-da gelse, garşylara ör turup,
hudaýly, imanly, eger gürletseň,
dilinde aş gatyklaýan milletde,
köpelermi çykjak döşüne urup,
ýa-da gelse birden garaşman durkam,
meniň özüm turarynmy ýerimden,
aýagymda, dyzda tapylyp ysgyn,
ýa-da diýerinmi içden: ynanma,
gysyp bolýan ýeriň ählisin gysgyn?