Adamyň ýagdaýy

Tapawudy näme: ezilen, ezen,
siňe baksaň, şol bir adam ikisem,
zeýrenjine bakma ezilýän bendäň,
ýa ezýäniň buýsanjyna seretme,
gaharlanma temegini asmandan,
ýa-da patolokdan assa duşanda,
ýerini, ornuny çalşyrsaň, belki,
ozalky ezilen eziji bolar,
hemem soňun saýman ezer ezeni,
wyždan azabyny bilmez, düşünmez
ezilýäniň ýagdaýyna, halyna,
ýa hasap et, göýä deňleýär hasap,
bu adamyň ýagdaýydyr hemişe,
gürletseň, her ýerde özüni aklar,
ýa zeýrener, güni agyr, endişe,
ýa gülen bor başgalara, he-he,
rehim-şepagat, din-iman, pylan,
alla, hudaý, taňry, ýene näme, kim,
hersiniň özüniň bardyr sebäbi,
bimamla bolarsyň çykarsaň höküm.