Süýde siňe seretseň

Ýazyjymyş, şahyrmyşyn o bende,
halkyň hukuklaryn goraýarmyşyn,
gapyl galan milletini ýüz ýyllap,
oýarjakmyş gaflatyndan gujaklan,
gözüni, aňyny açjak bolýarmyş,
durar ýaly aýagynyň üstünde,
dyzynda ýa emedekläp ýaşaman,
gör, nähili gowy arzuw-niýetler,
emma süýde siňe baksaň, gan görner,
ogry döwlet başynda ýa aşakda,
garşysynda durýar, kösenýär her gün,
ogurlanýan ýere golaýlap bilmän,
özüni ýa ilin tanasa adam,
walla, günde ölüp ýörmese ölmän.