Ogurlanan nesiller

Studentler, çäreçiler, tahýaly,
baýdakmy ýa başga bir zat göterýän,
elleri boş bolmaz ýaly,
öwredilen alkyşlara gygyrýan,
dilleri boş bolmaz ýaly,
hemem saklanylýan terror astynda,
kelleleri boş esasan,
mejbury-meýletin bukulýan mydam
biri-biriniň arkasyna,
gorkusyna gepin gepläp bilmeýän,
ýa gepläre gepi ýok hiç,
ýa bolsa-da, ýabygorly,
berip bilmez berilmeli soragy,
ogurlanan, ýitirilen nesiller,
ne özüniň, ne iliniň goragy.