Bagtsyz bagt

Bir oglany bir gyza
öýerýärler toý tutup,
ýa-da olar toý tutýarlar halaşyp,
gowy ýeri – ikisi-de ýaş entek,
erbet ýeri – ikisi-de bisowat,
ne ýazmagy bilýärler,
ne-de okaýarlar kitap, beýleki,
ýogsa gatnapdyrlar mekdebe galman,
gürletseň, ÝOJ-lary gutaran gowy,
hakykatda diňe gaty kagyzda,
ene-ata kesbin dowam edýärler,
ugur tapan, ilki kommunist bolup,
soňra geçen beýläk böküp,
ikisi-de gowy düşekde, belki,
uzak aralyga ýaryşýan atlar,
çagalary bolýar bir ýyla galman,
gelejekki bisowatlar.