Ýaz goşgusy

Ýüzi çytyk howa açylýar kem-kem,
ýazyň demi urýar çolaran howla,
gar görmedik, ýagyş gören azda-kän,
gyşdan çykan guşlar şahadan-şaha
böküp habarlaşýar bag dosty bilen,
pyntyklamaň yşgy uran başyna,
çigildemler çykýar topragy ýaryp,
basym güller gunçalarlar, yzyndan
gül açarlar aýaz gaýdyp gelmese,
ýowuz aldamasa gözel tebigat,
ýat illere düşen adam ýylgyrýar,
umyt bilen bakyp daşaryk irden,
belki, biz ile-de ýaz geler bu ýyl,
arkasyna şemal çalar milletiň,
ýalanyň, talaňyň astynda galan,
nirä gaçsa urlan yzyndan ýetip...