Hakykat we saglyk

Hakykat çakyrda, a saglyk suwda,
Plini aganyň aýdyşy ýaly,
kä agşamlar, wagtal-wagtal,
dost-ýar bilen çakyrjyk iç,
ýa ikiçäk özüň bilen,
biler ýaly hakykaty,
iň esasy özüň hakda,
aýdar ýaly bolman özüň özüňe,
ýogsa adam, ýüzlek pahyr,
dost-ýary ýa başlygyn däl,
özi özün aldap geçýär,
gelip bilmän öz ýüzüne.

Ýöne çakyrdan öň suw iç elmydam,
ara salym salman daşarda, öýde,
hemme zatdan ozal saglygyň bolsun,
o bolmasa, hakykatdan ne peýda?