Gazanylan üstünlik

O taýda birisi gazandy, sowdy,
bu taýda birisi gazandy, sowdy,
ikisi-de kem galmady, başarsa,
ýa-da başarmasa özüni öwdi,
ýa öwdürdi birlerine, hantama,
gazanylan üstünlikler uludy,
görülmedik her ugurda, pudakda,
hem irginsiz beýan edildi, garaz,
soň işden kowuldy beýan edenler,
ýeterlik ýa ynandyrýan bolmady
öwgüleri, taryplary, belki-de,
täze-täze tarypçylar tapyldy,
ikarada millet özün
bütin dünýä tanatdy,
gazanylan üstünlikden
ir begenen bagty ýatdy.