Düşünişmezlik

Birisi hat ýazýar: seniň baryňda
şeýle bolmalymy bu zatlar, pylan,
derrew düzet hälä goýman,
dikelt adalaty, deňligi, ýene
köp kemçilik, ýalňyşlyk bar, bilýärsiň,
tanaýarsyň adamlary kim, näme...

Goltugyma garpyz beren bolýarmy,
ýa-da barja düşünjesi, akyly,
iňirdi bar her sözünde, sözlemde,
hüňürdi, hoňňuldy, igençmi-minnet,
utandyrýar arasynda gaýratyň,
ýa ýene bir zadyň soraga alyp,
unudypdym beýle haly, ahwaly,
pikir edýär käbirleri, eý, aman,
özi ýaly bir galamly adamy,
bütin dünýäň polisýasy mysaly.