Agyr gep

Sada bolma, ulus-ile
kanun-kada gerek däldir,
ýol hem ýoda gerek däldir,
daş-kesegi aýrylan, ak,
mugt gerekdir bolsa dünýäň eşredi,
ýaryşar il galsa yza,
dik durup däl, çöküp dyza,
ogul-gyzyn etjek bolar parahor,
ogry-jümri tutulmaýan hiç haçan,
hem akylly, nakyl aýdar ýylgyryp:
alla diýer kowan, gaçan;
gybat gerek nakyldan soň tükenmez,
neşekeş, nas atan bagşylar gerek,
näçe ýuwan bolsa bahasy gymmat,
ile kada, kanun gürrüňin etme,
beýle agyr gepi götermez ymmat.