Adam ýaly çemeleşseň

Adam ýaly çemeleşseň,
gaty görme, adam bolup bilmedik,
ýetişmedik entek adam bolmaga,
adam ýaly çemeleşmez,
elbetde, kellesi papakly bolsa,
alaja taýakly bolsa bir eli,
a sen bolsaň bir adaty sürüji,
artyk bolar onuň ýeli.

Dogry, bu internet asyry hemem
kompetentsiz erkekleriň asyry,
başlyk bolsa sansyz, sansyzlyk edip,
eger-eger gözi ýer görmez onuň,
emelinden aýrylýança
adam ýaly çemeleşmez ol saňa,
kanunyň ka-sy bar, n-i bar emma
un-y unuň gyt bolşy gyt ilde,
ýöne deňiň bolsa bende,
ýa-da, belki, özüňçe ýok,
öýünde gülünýän günde,
ýa 'sen otur, aga' bolan,
ýüzlek bolsaň, peýdalansa,
adam ýaly çemeleşseň,
adam ýaly çemeleşmän,
öz ýanyndan oýnan bolsa,
atan bolsa tory daşdan,
ýüzün alyp durmasaň,
awçy bolmaz senden, oglan,
uçan guşy urmasaň.