Iliň ýagdaýy

Okamajak halkyň şahyry bolma,
ýazyjysy bolma iliň,
kitap tapsa, hajathana äkidýän,
ýa gowy bolanda, çigit dolaýan,
satmak üçin köçede ýa bazarda,
garaşma milletden pullansa çala,
ogluny, gyzyny hukuk ugrundan,
para berip, para üçin okadýan,
ýa-da mede salýan tapanyn berip,
ertir işin bilmän adam öldürip,
para alar ýaly öljek hassadan,
umyt etme yza galan milletden,
öz halyna düşünmegi,
düşünmegi seniň halyňa asla,
goşgyňy hiç okamajak, bilmejek,
düşünmejek goşgy neden ýazylýar,
düşündirjek bolma yza galanda,
iliň gabry nirde, niçik gazylýar...