Arassalaýyş

Täzelik däl döwletbaşy bozulsa,
dowla düşüp, ýatyp bilmän gijeler,
duşman görüp arkasynda her çöpüň,
dostlaryny duşman etse, öldürse,
tämizlese soňsuz töwerek-daşyn,
täzelik däl azan, hiç garaw görmän,
ulus ile diýse gepleme, ýaşyn,
ýa-da maňa alkyş aýdyp, çapak çal,
täzelik däl döwlet bidöwlet bolsa,
adamy adamyň duşmany etse,
iýer ýaly soňsuz dogan-gardaşyn.