Tobasyzlar

Tobasyz diýýärler olara, belki,
ilki öz ýaragsyz halkyny urup,
açlykda, türmede, sürgünde gyryp,
galanyny dişine çen ýaragly,
hilegär duşmanyň öňüne sürüp,
öleniň, ýiteniň sanyn azaldyp,
ýetmiş ýyllap döşe kakany üçin,
diňe ýeňdik diýip bökeni üçin,
gygyrany üçin bokurdak ýyrtyp,
ýaşyrsaň, agyrsy kemýän dek urşuň,
milleti pürrelän, pürrelejek kän,
meger, adam baky ýeňlişde galýar,
ýalňyşan ýerlerin ýygşyryp mäkäm.