Içerdäki pil
Dowarlar hemişe möjekden gorkardy, ahyrynda olary çopan iýdi. Gürji nakyly
Gorkardylar hergiz keseki, duşman,
dili başga, däbi başga geler-de,
urar, çapar, öldürer ýa
mal-mülküni alar, gul-gyrnak eder,
çünki ata-baba şeýle bolupdy,
emma içlerinden döredi bela,
dili meňzeş, dini meňzeş ýa başga,
nirde ogry bolsa tapdy, getirdi,
talady ilini köýen dek ary,
asly, düýbi bolmalydy il başyň,
ozal akan ýerden akarmyş aryk,
rowaýat düzüp, edindi peder,
gaçýar indi millet çem gelen ýurda,
öýe, ile dönmek iň uly heder.