Galjak eser

Başga biri ýazyp bersin, bermesin,
her kim öz eserin döreder munda,
birisinden goşgy galar gussaly,
birisinden kitap galar kyssaly,
birisinden galar aýdym bilen saz,
birisinden haly, kilim ýa keçe,
beýlekiden köpri galar ýa köçe,
bir kenary birikdirýän beýlekä,
bir milleti dogan edýän eýlekä,
birisinden bina galar synmajak,
ýer yransyn, derýa joşsun, parhy ýok,
o birisi goýar jebislik yzda,
ýa-da maksat birleşmäge, durmaga,
gurmaga öz döwletiňi, bagtyňy,
beýlekiden galar agzy alalyk,
ýumurmaga iliň öýün, tagtyny,
birisi ýol açar ýalana soňsuz,
talaňa ýol açar, saklap bolmajak,
hemem dünýä sygmaz maly we puly,
ýöne yzda galjak, goýjak eseri
gedaýlyk bor halka uly.