Ak pata we soňy gelmeýän garyplyk

Ak patadan peýda bolmady, ýalan,
ýürekden çykmadyk, belki,
ýa-da pata näme bilmeýän asla,
ýa bilmeýän logikany, mantygy,
ogurlady iliň-günüň wagtyny,
ekdi, emma ne bugdaýy,
ne pagtasy boldy iliň,
ne-de ýüzi güldi iliň,
gaçdy ýurtdan başarany,
ýat illerde hammal bolup,
tapjak boldy bagtyny.

Ak sakgally gojalaryň patasy,
ozalky kommunist, ýalançy, kezzap,
ak gyňaçly ejeleriň patasy,
alajasy elin işen,
ýa-da sepen uny traktorlara
ýalany, talaňy dogry etmedi,
garyp iliň işi öňe gitmedi,
žurnalist, ýazyjy, şahyr, hudožnik
ýalan sözläp, taňryň gözün gapmady,
gitmedi garyplyk, sowet mirasy,
beter boldy ýylba-ýyldan,
aglady il: "Basyp alsa birisi!",
meger, doýup gözi doýmaz oguldan...