Ýapyk beýni syýasaty

Beýni ýapyk bolsa açyk gapylar,
açyk derwezeler syýasatlary,
ýa açgözlük syýasaty, çyn ady,
işlemeýär, getirmeýär hiç peýda,
uzagyndan, elbetde;
pikir ýapyk bolsa,
göz ýapyk bolsa,
üşügi bolmasa döwletbaşynyň,
oňa derek bolsa kaşygy diňe,
garamaýak gazanyndan çykmaýan,
tä düýbüni deşýänçä, dat,
açyk gapy syýasaty ýurt açyk,
iliň öý-işigi açyk diýmek däl,
talaň üçin aňyrsy ýok, bärsi ýok,
niýet hapa bolsa hiç bir syýasat
gowulyk getirmez hiç kime, belki,
ogry-jümrä gowy bolsa-da ilki.