Içden urýanlar
Orramsydan bolan haramhor begler// Ýurdy bir ýanyndan ýyka başlady. Magtymguly
Ýurdy hanlar, begler ýykmaz,
gözi doýmaz, garny doýsa,
ýykmak üçin ýurdy ýogsa
elde baryn eder ýyllap,
nebsiniň yzyndan ylgap,
çapyp ada, şöhrada ýa,
ýurdy ýykar han-beglere,
ýa olary goraýana,
ýolda para soraýana,
ýetim-ýesir, naçar, garra
ganym bolup daraýana
edenini etdirýänler,
gol ýapýanlar ogry, jümrä,
han diýilýän, beg diýilýän,
keseden seredip durup,
sesini çykarman asla,
ýurdunyň içinden urup...