Bloknot syýasaty

O biri tabşyrýar,
beýleki ýazýar,
o biri tabşyrýar,
eýleki bozýar,
bu her hepde gaýtalanýar,
eger bir zat gaýtalansa,
kän manysy bolmaýar,
iner-iner diýseň-de kän,
eger iner bolmasa,
eger maýa bolmasa,
ýük ýerinden galmaýar,
tabşyrykçy gaharlanýar,
arasyny kesip käte,
tabşyrygyň deregine
käýinç berýär ýagly örän,
a soňundan duýduryşlar,
berk käýinçler hatarlanýar,
bulardan soň ne boljagyn
bilýär, meger, ýerden ýörän,
bu bir ýyl ýa iki ýyl däl,
on ýyl bäri gaýtalanýar,
bir zat uzak gaýtalansa,
kän manysy galmaýar;
o biri tabşyrýar,
beýleki ýazýar,
o biri tabşyrýar,
eýleki bozýar,
ýöne gaty geň galmaly,
ne ýazýan, ne bozýan başyn galdyrýar,
sebäbi galdyrsa görjek,
oba tozýar, şäher tozýar,
millet gülki boldy dünýä,
hemem irräk gaçan ozýar.