Uly iş

Beýiklere mahsus diýýärler, walla,
başga birniň başgalygyn
bagyşlamak, geçirmek,
gözüne gelmese eger,
sözüne gelmese eger,
galybyna saljak bolman özüniň,
şyltak atyp, hile gurup daşynda,
eli gelse, depesinden daş guýman,
ýa alaç tapmasa içden ýigrenmän,
ýykylsa begenmän çyndan,
başganyň başgarak bakyşyn dünýä,
görüp bilşin ony öz gözi bilen,
ýa-da görjek hem düşünjek bolşuny
(sebäp ony şeýle ýaratdy hudaý),
bagyşlamak dälmiş ejiziň işi,
geçirip bilmezmiş ruhy gedaý.