Gowynyň erbet tarapy

Ýöremeseň, ýol seňki däl,
seniňki däl açyk howa,
käte çykyp, dem almasaň,
seniňki däl güneş, ýagty,
aý-ýyldyzlar seniňki däl,
aşagynda oýnamasaň,
ýaýnamasaň ine-gana,
depe, daglar seniňki däl,
dyrmaşmasaň depesine,
ýa ot ýakyp oturmasaň,
Garagumyň gollarynda,
ak çägeler seniňki däl,
seniňki däl derýa, deňiz,
gulaçlap ýüzmeseň käte,
balyk tutup gyşarmasaň,
kenarynda aýda, ýylda,
ýa tokaýlar seniňki däl,
barmasaň, görmeseň käte,
guwanmasaň boýlaryna
göge dalaş eden baglaň,
gelmek gowy ýagty dünýä,
geçmek erbet gury aglap.