Ýoldaky ýagdaý

Uzak ýola çyksaň, biliňi guşap,
ýolda ýoldaş islärsiň sen,
döwüm nanyn paýlaşjak,
ýykylsaň, galdyrjak goluňdan tutup,
duşman islemersiň asla,
iýeniňi awy etjek,
içeniňi zäher etjek başarsa,
ýüzüňe ýylgyryp, gülüp,
öwrülseň, ýeňsäňden urjak daş bilen,
tireparaz hemem bahyl
kommunisti islemersiň,
partbiletin tabşyrsa-da,
tabşyrmadyk ýaman pälin;
uzak ýola çyksaň, ýadarsyň örän,
ýöne ýoldan ýadamarsyň,
ýoldaş bolsaň betniýete,
niýetinden ýadarsyň oň,
ýoluň önmez şondan soň.