Tapawut

Adamlar bir-birin iýýän wagtynda,
öz-özüni iýýän mahaly millet,
eýle ýa-da beýle eli gelenler
haýwanlardan tapawutly bolýarlar,
iýmeýärler diňe ejiz, egsigi,
güýçlüleri ýok edýärler esasan,
ejiz, egsik bilen birleşip mäkäm,
gyra çekileni görmedik bolup,
başyny egýäne ýylgyryp, gülüp,
şondan haýwan bir-birini iýende,
güýçli galýar ölmän-ýitmän,
adamlar iýende biri-birini,
ejiz, gowşak, ýaramajak kän zada
ýa-da kümsük galýar bukulan çöpe,
şeýle görseň, akyl-huşy ýerinde,
ýöne kän düşmeýän gepe.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019