Säher dogasy

Şükür edýän, şyltak ýa-da
üýşüp töhmet atanlardan
salam aýdýan kän görünýär...

Günäm kändir, çig süýt emen
adamdyryn, gyzyp käte
erbet pikir edendirin,
erbet niýet edendirin,
gahar bilen gözüm gapyp,
gidendirin özümden kä,
gidendirin senden, taňrym,
soňra toba etsem-de kän,
amam, aman, bitobanyň,
arman, görmeýäniň ýoly,
bilmeýäniň özüni-de,
hem gözünde, hem sözünde,
hem elinde, hem pälinde
çylgym-çylgym gan görünýär.