Biz adamdyk

Nirede okanym ýadymda däl hiç,
ýa-da kimiň aýdan sözi:
biz ozal adamdyk owadan, eziz,
gözümiz gök, gara, ýa goňur diýmän,
biz adamdyk meňzeş ýa-da meňzeş däl,
başga-başga tire-taýpa, millete,
ýa-da jynsa bölünmänkäk,
ýa uýmankak başga-başga dinlere,
ýa syýsat gelip girmänkä ara,
hem goýmanka gapma-garşy,
ýa-da baýlyk, beglik tagmasyn basyp,
goýmanka diwara çüý kakyp, asyp,
biz ozal adamdyk, ýadymda, bilýän,
adam bolup dogulýan hem
adamlykdan dänmän ölýän.